Cesca, Kice inawit ang soundtrack ng Dirty Linen 

ANG Idol Philippines season 2 third placer na si Kice at baguhang singer-songwriter na si CESCA ang umawit ng official theme songs ng patok na ABS-CBN revenge-drama series na Dirty Linen na pinagbibidahan nina Janine Gutierrez, Zanjoe Marudo, Seth Fedelin, at Francine Diaz. 

Si Kice ang nagbigay-buhay sa power ballad na Simulan, na una niyang kinanta nang live sa grand media conference ng serye. Si CESCA naman ang nagbigay ng magandang rendisyon sa awiting Kung Makakapili Langna naririnig kapag may nakakikilig na eksena ang FranSeth tandem—Francine (Chiara) at Seth (Nico).

Tungkol sa pagpili na magmahal ang Simulan na naghahatid ng pag-asang maghihilom ang anumang sugat sa pamamagitan ng pag-ibig. Sina ABS-CBN Music creative director Jonathan Manalo, Star Pop label head Rox Santos, at Edmund Perlas ang sumulat ng kanta.

Kuwento naman ng pag-iibigan na dumaraan sa pagsubok dahil sa magkaibang antas sa buhay ang Kung Makakapili Lang na isinulat din ni Jonathan kasama ang Kapamilya artist na si Trisha Denise.

Unang nakilala ang singer-songwriter na si Kice sa Idol PH season 2. Nakatakda na rin niyang pasukin ang pag-arte sa upcoming series na Linlang. 

Isang visual at multimedia artist naman si CESCA na naglabas ng kanyang debut single na Lovesick (Pagmahalasakit) na nagsilbing daan para pangunahan niya at maging cover siya ng Fresh Finds playlist ng Spotify Philippines. Inilabas niya rin ang sophomore single na Pambihirang Harana noong nakaraang taon.

Pakinggan ang Simulan ni Kice at Kung Makakapili Lang ni CESCA sa Star Music YouTube channel at isa iba’t ibang music streaming platforms.