HATAW! D'yaryo ng Bayan hatawtabloid.com
IN-EXTEND ng mga Cignal Entertainment artists ang kanilang all-out gratitude para sa walang-sawang suporta ng Kapatid viewers sa matagumpay na showbiz caravan na ginanap noong Nobyembre 17 to 19 sa Starmall San Jose Del Monte, Bulacan. Hatid ng CignalPlay at Sulit TV, binigyang-halaga ng Cignal Entertainment Showbiz Caravan ang mga upcoming finale ng kanilang comedy programs na Oh My Korona at Kalye Kweens,movieseryeng Suntok Sa Buwan, at ang grand finals ng paboritong bidaoke kantawanan ng bayan na Sing Galing at Sing Galing Kids.
Ang pangmalakasang event na ito ay mas lalong nagningning dahil sa live performances nina Elijah Canlas, Paulo Angeles, at Awra Briguela ng Suntok sa Buwan; Alma Moreno, Marissa Sanchez, at Giselle Sanchez ng Kalye Kweens; Pooh, Queenay, at Jessie Salvador ng Oh My Korona; Randy Santiago, K Brosas, Mari Mar, Zendee, at Singtokers Gab at Daniel naman para sa Sing Galing.
Nag-enjoy din ang mga mallgoer sa Pasko-Oke Celebrity Bazaar na nakabili sila ng mga pre-loved items ng celebrities katulad ni K Brosas. Bahagi ng malilikom dito ay ibibigay sa mga bata ng National Children’s Hospital at kay baby Aaron na 7-year old patient na may Acute Lymphoblastic Leukemia. Bukod sa mga masasayang activities, nanalo rin ang guests ng mga papremyo mula sa Cignal at sa event presentor na Brilliant Skin Essentials.
Ang tagumpay ng showbiz caravan ang nagpapatunay sa matibay na suporta ng mga Kapatid viewers para sa Cignal Entertainment’s shows sa TV5. Huwag palampasin ang pinaka-inaabangang finale ng Oh My Korona sa November 26, ang grand finale ng Sing Galing, at Sing Galing Kids sa December 3 at 10, ang kapana-panabik na pagtatapos ng movieseryeng Suntok Sa Buwan sa December 8 at ang kobgklusyon ng bardagulan sa Kalye Kweenssa December 24.
