HATAW! D'yaryo ng Bayan hatawtabloid.com
PROUD na ibinahagi ni Sylvia Sanchez sa kanyang social mediaaccount ang picture nila ng Korean superstar na si Lee Jung-jae. Si Lee ang isa sa bida ng Korean series na Squid Game.
Ang picture nila ay kuha sa naganap na Cannes Film Festival.
Caption ni Sylvia, “It was nice meeting you, Mr. Lee Jung-jae.”
Si Jung-jae ay isa sa mga nominado sa nakaraang Golden Globes para sa natatangi niyang performance sa Squid Game bilang si Seung Gi-hun. Ang Korean series na napanood sa Netflix ay itinuturing na “one of the most successful series” sa nasabing streaming site noong 2021. Nakatakda nang ipalabas ang second season nito very soon.
Sa isang video naman na ipinost ni Sylvia ay pinuri nito si Film Development Council of the Philippines (FDCP) chair, Liza Dino.
“Nakakaproud ka nak @lizadino. Hindi biro ang ginagawa mo as FDCP Chairman dito sa Cannes Festival. Na-witness ko lahat ngayong araw na ito kung paano mo inaangat, pinagmamalaki ang Pelikulang Pilipino, ang industriya natin,” ani Sylvia.
“Napaka-hands on mo, buong-buo ang puso mo, hindi matawaran ninuman ang passion mo at pagmamahal mo sa industriya natin.
“How i wish makita lahat ng mga taga industriya ang ginagawa mo. Ibang klase ka nak, saludo ako sayo! Ngayon mas naiintindihan kita. Tama ka!!
“Kailangan nating sumugal para makilala at tangkilikin ang ating mga pelikula sa global market.
“Pasensiya na nak, sa kaka observe ko sayo ito lang ang navideo ko hahaha.
“Much respect sayo FDCP Chairman @lizadino. I’m so proud of you!!! #cannesfestival2022,” sabi pa ni Sylvia.
