HATAW! D'yaryo ng Bayan hatawtabloid.com
NAGBABALIK ang pinakamalaking singing competition sa bansa, ang Idol Philippines sa ikalawang season nito kasama ang minahal na Idol judges na sina Asia’s Songbird Regine Velsquez-Alcasid at Philippines’ at Philippines’ Most Streamed Female artist na si Moira dela Torre.
Makakasama ng dalawa sa bagong season ang Frontman ng Parokya ni Edgar na si Chito Miranda at Mr. Pure Energy Gary Valenciano.
Pinalitan nina Gary at Chito sina Vice Ganda at James Reid na mga hurado noong season 1.
Sa kanyang Instagram post, naunang sinabi ni Chito na kabilang siya sa apat na hurado ng Idol Philippines. Noon pa pala siya inalok ng ABS-CBN para maging isa sa Idol judge pero tinanggihan niya iyon.
“I don’t judge…pero ngayon, ok lang.
“Nung season 1, they already asked me na maging judge for @idolphilippines but I declined because I didn’t think it would be fair for me to judge in a singing contest, knowing na di naman ako magaling kumanta.
“Pero ngayon, I finally agreed to go on the show kasi they explained to me, extensively, that even though it is still primarily a singing contest, hindi lang ito sa boses magkakatalo,” caption ng OPM icon sa ipinost niyang litrato sa IG.
Si Robi Domingo naman ang napiling mag-host sa singing competition.
Abangan ang iba pang malalaking sopresa ng programa at ang muling pagbida ng talento ng Filipino sa pagkanta.
