HATAW! D'yaryo ng Bayan hatawtabloid.com
KAILANGAN maging handa sa ang posibilidad na magtaas sa Alert Level 4 ang Metro Manila sa susunod na mga araw, ayon sa Metropolitan Manila Development Authority (MMDA).
Ayon kay Atty. Crisanto Saruca, head ng Metro Manila Council Secretariat, kahapon, posibleng maglabas ng resolusyon kaugnay sa pagsasailalim sa Alert Level 4.
“…magkakaroon po ng desisyon diyan in the next coming days po,” ani Atty. Saruca sa tanong ng DZBB kung dapat itong asahan sa susunod na linggo.
Siniguro ni Atty. Saruca, patuloy na pinag-uusapan sa pagitan ng Metro mayors at Inter-Agency Task Force (IATF) ang usapin at ipinauubaya na rin ang pagdedesisyon.
Pinagbabatayan sa ttinatalakay na hindi malala ang mga kasong naitatala kahit napakataas ng mga kaso dahil mahigit 100 porsiyento naman ang bakunado na sa Metro Manila.
Aniya, patuloy ang pagsasagawa ng enhanced vaccination mandate at agresibo sa primary vaccine at booster shots.
Napag-usapan rin na may iba’t ibang vaccines din na available, ang global experience na patuloy na nagiging epektibo laban sa CoVid-19 variants maging sa Omicron na mas nakahahawa, kaya hindi nagiging malala ang infections at naiiwasan ang pagpapaospital.
Aniya, may kani-kaniyang ordinansa ang local government units (LGUs) alinsunod sa inilabas nitong nakalipas na 3 Enero sa MMDA Resolution No. 22-01 Series of 2022 ”Urging the Metro Manila Local Government Units To Enact Their Respective Ordinances On The Enhanced Restrictions Of The Unvaccinated Individuals to Regulate Their Mobility In The National Capital Region.”
(GINA GARCIA)
