HATAW! D'yaryo ng Bayan hatawtabloid.com
NAUDLOT ang biyahe ni Senator Richard Gordon patungong Cebu kahapon ng umaga nang magpositibo ang piloto ng private plane na kanyang sasakyan patungo sa tatlong lalawigan.
Ayon sa staff ni Gordon, nakatakda ang flight ng senador, dakong 7:00 am sa Delta hangar sa NAIA sakay ng private plane para mamahagi ng tulong sa mga biktima ng bagyong Odette.
Kabilang sa mga pupuntahan ng Senador ang Mandaue City at Talisay City, para maghatid ng tulong sa mga nasalanta ng bagyo kasunod ang mga lalawigan ng Bohol at Siargao.
Agad kumuha ng panibagong private plane ang staff ng Senador para matuloy ang biyahe kahapon.
Ang biyahe ni Gordon ay bahagi umano ng Humanitarian response ng Philippine Red Cross para sa mga pamilyang lubhang nasalanta ng bagyong Odette. (GINA GARCIA)
