HATAW! D'yaryo ng Bayan hatawtabloid.com
Hindi nakaligtas sa mga awtoridad ang apat na miyembro ng gun- running syndicate nang makumpiskahan ng mga baril, granada at mga bala sa bayan ng Rodriguez (Montalban), lalawigan ng Rizal, nitong Linggo, 19 Disyembre.
Kinilala ni P/Lt. Col. Marcelino Pipo, Jr., hepe ng Rodriguez PNP ang mga nadakip na suspek na sina Whaldyn Ban, 33 anyos; Isagani Villacorte, 41 anyos; Bonifacio Gomez, 45 anyos; at Jay Ar Ganceña, pawang mga residente ng nabanggit na bayan.
Narekober mula sa mga suspek ang tatlong kalibre 45 na baril, dalawang magasin, 20 bala, dalawang hand grenade, 17 boodle money na tag-P1,000, isang Kawazaki Raider motorcycle, Samsung cellphone, at tatlong P1,000 bill na ginamit na buybust money.
Nabatid na dakong 6:30 ng hapon kamakalawa nang isinagawa ang operasyon sa pamumuno ni P/Lt. Fernan Romulo sa Blk. 20 Lot 22-A Theresa Heights Subd., Metro Manila Hills, Brgy. San Jose, sa naturang bayan.
Pahayag ni P/Lt. Col. Pipo, naaresto ang mga suspek dahil sa mas pinaigting na kampanya laban sa lahat ng uri ng kriminalidad.
intensified campaign against all forms of criminality at loose firearms.
Kasalukuyan nang nakapiit ang mga suspek sa detention cell ng pulisya at nakatakdang sampahan ng kasong paglabag sa RA 10591 (Gun Running) at RA 8294.
