HATAW! D'yaryo ng Bayan hatawtabloid.com
KITANG-KITA KO!
ni Danny Vibas
ANG ganda naman ng karma nitong si Xian Lim. Habang indefinitely suspended ang taping ng GMA 7 series na Love. Die. Repeat dahil sa ‘diinaasahang pagbubuntis ng lead actress na si Jennylyn Mercado, itinoka na agad siya ng Kapuso Network na maging leading man ni Glaiza de Castro sa mini-series na False Positive na naka-iskedyul nang itanghal ng network sa January 2022.
Sa November 27 magsisimula ang lock-in taping ng mini-series na isang buwang mapapanood sa GMA-7. Ang nangangasiwa sa mini-series ay si Irene Villamor na direktor din ni Xian sa Love.Die.Repeat.
Makakapag-concentrate si Xian sa taping ng False Positive dahil tapos na niya ang shooting para sa Bahay na Pula, ang suspense thriller movie ng direktor na si Brillante Mendoza.
Sina Julia Barretto at Marco Gumabao ang mga co-star ni Xian sa Bahay na Pula. Kinunan sa Mindoro ang mga eksena ng kanilang pelikula na isa sa mga special offering ng Vivamax sa 2022.
Bago nag-lock in taping si Xian para sa Love, Die, Repeat nakatapos pa siya ng syuting para sa Yorme: The Story, na siya ang gumaganap na Isko Moreno bilang meyor ng Maynila. Incidentally, December 1 na ipalalabas ang pelikula na mistulang reunion din ng mga taga-That’s Entertainment.
Alam ng marami na nakabuting apo at anak si Xian, kaya siguro ang ganda ng karma n’ya in the sense na ‘di siya natetengga sa panahon ng pandemia.
