Sunday , February 23 2025
Mohit Dargani, Twinkle Dargani, Pharmally

Mag-utol na Pharmally execs, arestado sa Davao City

DINAKIP ng Senate security personnel ang magkapatid na Mohit at Twinkle Dargani, mga opisyal ng Pharmally Pharmaceutical Corporation kahapon sa Davao City International.

Ayon kay Senate Sergeant-At-Arms Rene Samonte, nakatakdang sumakay sa chartered flight patungong Kuala Lumpur, Malaysia ang magkapatid na Dargani nang harangin ng Senate security team sa naturang paliparan.

Nakadetine sa kasalukuyan ang magkapatid na Dargani sa gusali ng Senado sa Pasay City.

Matatandaan, ipinag-utos ng mga senador na dakpin ang mga Dargani dahil sa pagtangging isumite ang financial documents ng Pharmally kaugnay sa P8.68-bilyong medical supplies contract na nakorner ng kompanya sa administrasyong Duterte na iniimbestigahan ng Senate Blue Ribbon Committee.

Habang si dating Procurement Service-Department of Budget and Management (PS-DBM) chief Lloyd Christopher Lao ay pinaghahanap pa rin ng Senate security bunsod ng arrest order na inilabas laban sa kanya ng Senado dahil sa hindi pagsipot sa mga pagdinig ng komite.

Bukod sa iregularidad sa medical supplies contract, nabunyag din sa pagdinig sa Senado na hindi nagbabayad ng tamang buwis ang mga opisyal ng Pharmally, si Lao, at ang dating presidential economic adviser na si Michael Yang, na nagpondo umano sa Pharmally para matupad ang kontrata sa gobyerno.

Nasa kustodiya pa rin ng Senado si Linconn Ong na dinakip din ng Senate security personnel noong nakaraang buwan. (ROSE NOVENARIO)

About Rose Novenario

Check Also

Coco Martin FPJ Panday Bayanihan Brian Poe Llamanzares

Coco Martin, Kaisa ng FPJ Panday Bayanihan sa Misyon ng Serbisyong Totoo

PANGASINAN – Inendoso ng aktor na si Coco Martin ang FPJ Panday Bayanihan partylist sa …

Erwin Tulfo Imelda Aguilar April Aguilar Alelee Aguilar

Sa courtesy visit plus motorcade
ACT-CIS REP. ERWIN TULFO MULING PINAGTIBAY SUPORTA SA LAS PIÑAS

NAGSAGAWA ng kortesiyang pagbisita si ACT-CIS Partylist Representative Erwin Tulfo sa mga opisyal ng Las …

Calamba, Laguna

Calamba residents nababahala sa POGO

CALAMBA — Kamakailan maraming residente sa Lungsod ng Calamba ang nabahala matapos ang inilunsad na …

Mag-utol inaresto sa P.408-M shabu

Mag-utol inaresto sa P.408-M shabu

INARESTO ng Quezon City Police District (QCPD) ang magkapatid na sangkot sa pagtutulak ng droga …

P.9-B halaga ng luxury cars  nasakote ng CIIS-MICP sa Taguig City

Taguig auto shop nanindigan luxury cars locally purchased

NANINDIGAN ang Auto Vault Shop, ang auto shop na sinalakay at nakitaan ng Bureau of …