Wednesday , February 28 2024
Duterte, Senate, Supreme Court

Markulyo ni Digong sa ‘plundemic’ probe
KORTE SUPREMA NAIS KALADKARIN SA ‘CONSTI CRISIS’

MAS gusto ni Pangulong Rodrigo Duterte na dalhin sa Korte Suprema ang isyu ng pagbabawal niya sa mga opisyal at empleyado ng gobyerno na dumalo sa Senate ‘plundemic’ probe.

Tinagurian ng Philippine Bar Association at ng ilang senador, mga grupo, at personalidad na unconstitutional ang memorandum ni Duterte na nagbabawal  sa paglahok ng mga opisyal at empleyado sa pagdinig ng Senate Blue Ribbon Committee sa manomalyang P12-bilyong medical supplies contract na nasungkit ng Pharmally Pharmaceutical Corporation sa Procurement Service-Department of Budget and Management (PS-DBM).

“Eventually, I think, this will reach the Supreme Court. I am not saying that I am all correct. I may be wrong,” sabi ni Duterte kaugnay sa kanyang kontrobersiyal na memorandum.

Kailangan umano niyang protektahan ang sangay ng ehekutibo mula sa pang-iinsulto ng mga senador.

“I have to protect the Executive Department from the incessant and steady dose of insults coming from the senators,” aniya.

“Hindi man ako siguradong manalo doon, pero gusto ko lang makita ng Supreme Court ang pagkabastos ng mga senador. ‘Yun lang naman ang habol ko doon. Manalo, matalo,” dagdag ni Duterte.

Nagbabala si Duterte na ipakukulong ang mga senador kapag nakulong  ang mga opisyal at empleyado ng gobyerno dahil sa contempt.

“‘Pag i-cite kayo in contempt, ‘pag malaman ko, ang ikulong ko ang mga senador,” aniya.

Nauna rito’y inihayag ng Bagong Alyansang Makabayan (Bayan) na itinutulak ni Duterte ang isang constitutional crisis dahil nililimitahan niya ang kapangyarihan ng lehislatura, isang co-equal branch of government, na gampanan ang tungkulin.

“Itinutulak ng Pangulo ang isang Constitutional crisis para pagtakpan ang katotohanan at ang korupsiyon. Ginagamit pa ang Bayanihan Act para bigyang katwiran ang graft and corruption sa procurement,” sabi ni Bayan secretary-general Renato Reyes, Jr. (ROSE NOVENARIO)

About Rose Novenario

Check Also

Law court case dismissed

Sa Jemboy Baltazar case
PULIS GUILTY SA HOMICIDE, 4 KABARO, 4 BUWAN KULONG BUGAYONG, ABSUWELTO 

“GANOON LANG? Makalalaya lang sila, sana maramdaman din nila ‘yung nararamdaman ng pamilya ko ngayon …

Sa kasong Statutory Rape LAGUNA REGIONAL LEVEL NA MWP INARESTO NG MAGDALENA POLICE

Sa kasong Statutory Rape
LAGUNA REGIONAL LEVEL NA MWP INARESTO NG MAGDALENA POLICE

CAMP B/GEN. PACIANO RIZAL – Arestado ang isang most wanted person (MWP) sa regional level …

DSWD Project LAWA BINHI DRT Bulacan

DSWD Inilunsad ang Project LAWA at BINHI sa DRT, Bulacan

SA layuning matugunan ang mga epekto ng El Niño phenomenon sa mga mahihirap at mahihinang …

PNP PRO3

PRO3 pinuri ng COA sa pananalapi, at sa 2024 exit conference

NAKATANGGAP ng mataas na papuri ang Police Regional Office 3 (PRO3) sa 2024 Commission on …

Rapist ng Quezon Province nagtago, nalambat sa Bulacan

Rapist ng Quezon Province nagtago, nalambat sa Bulacan

ISANG pugante na may kasong panggagahasa sa Quezon Province ang nahulog sa kamay ng batas …