Carlos bagong PNP chief

ITINALAGA ni Pangulong Rodrigo Duterte si Lt. Gen. Dionardo Carlos bilang bagong hepe ng Philippine National Police (PNP).

Kinompirma ni Presidential Spokesman Harry Roque ang pag-upo ni Carlos bilang PNP chief kapalit ni Gen. Guillermo Eleazar na nakatakdang magretiro sa 13 Nobyembre.

Si Carlos ay mula sa Philippine Military Class 1988, naging dating tagapagsalita ng PNP, hepe ng PNP  Directorial Staff, director ng Aviation Security Group, director ng Directorate for Information and Communications Technology at naging Directorate for Police Community Relations.

Nagsilbi rin siyang director ng Directorate for Integrated Police Operations-Visayas. (ROSE NOVENARIO)