HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
Sa kabilang banda, natanong naman si Bistek ukol sa kung ano ang pagkakakilala niya sa Presidential aspirant na si Ping Lacson.
Sagot ni HB, disciplinarian si Ping, istriktong guro. Pero funny din ito kapag kausap.
Si HB at Ping ay may konek. Napatunayan ito sa Online Kumustahan sa Rizal na ginawa ni Ping, kasama ang ilan niyang senatoriable aspirants tulad nina Paolo Capino at Dr. Minguita Padilla nang ikuwento ni Bistek ang ukolsa pelikulang ginawa niya noon kasama si Rudy Fernandez, ang Ping Lacson Story.
Si Rudy ang gumanap na si Lacson na isang top cop at crime buster, habang si Bistek naman ang sidekick at trusted man ni Daboy, si Michael Ray Aquino.
Sa tunay na buhay, isa ring alagad ng batas si Michael Ray at talagang pinagkakatiwalaan ni Ping sa mga operasyon para sugpuin ang mga kriminal tulad ng mga kidnapper.
“Kaya tingin ko ‘pag naging presidente si Ping Lacson, ang kanyang pinagkakatiwalaan na si Michael Ray Aquino, ako pa rin ang gaganap niyon sa Senado,” giit ni HB.
Bilib si Sen. Ping sa husay ng kaalaman ni Bistek sa mga problema ng bayan na kailangang lutasin tulad sa alokasyon ng pondo sa local government units, at maging sa agrikultura–tulad ng COCO levy fund at pagbaha ng imported na mga gulay at bigas.
Para naman kay Bistek, si Ping ang dapat maging pangulo dahil ito ang may pinakamalawak na karanasan sa pamamahala sa lahat ng mga kandidato.
