Gerald gustong humingi ng tawad kay Bea

MA at PA
ni Rommel Placente

SA guesting ni Gerald Anderson sa online show ni Boy Abunda kamakailan, natanong ito kung mayroon bang gustong ayusing isyu sa kanyang past relationship.

Sagot ni Gerald, ”Oo naman, Tito Boy. Sana! Kung puwede ko baguhin ‘yung nangyari. Kaso, ang hirap. It’s done. I’ve made mistakes. We both made mistakes.” 

Aware si kuya Boy na ang tinutukoy ni Gerald ay si Bea Alonzo. Kaya ang sunod niyang tanong sa actor ay kung willing ba ito na mag-reach out sa aktres at sa current boyfriend nitong si Dominic Roque. 

“More siguro kay Bea. I mean, huwag na po siguro tayong mandamay ng ibang tao. But I really pray sana! I really hope she will find it in her heart to forgive what happened, forgive me. Nagho-hope lang po ako,” sagot ni Gerald 

Well, kapag nakarating kay Bea ang  naging pahayag na ito ni Gerald, ano kaya ang magiging reaksiyon niya? Hindi kaya ang sabihin ni Bea ay matagal niya nang pinatawad si Gerald at naka-move on na siya? At masaya na siya sa piling ni Dominic.

O ;di ba, kami ang sumagot para kay Bea? Hahaha!