Saturday , March 25 2023
SEA Games cauldron

Mga kritiko, sablay: Pribadong sektor nagbayad ng SEA Games cauldron

ANG P50-million cauldron na ginamit noong 2019 Southeast Asian Games (SEA) ay binayaran ng pribadong sektor at hindi ng gobyerno.

Ito ang iginiit ni House Speaker Alan Peter Cayetano sa isang panayam kay television host Boy Abunda nitong Sabado, 25 Setyembre.

“People will be surprised because the government didn’t spend a single cent on it. Because the private sector paid for it,” sinabi niya sa pagsagot sa mga paratang na overpriced at maluho raw ang naturang cauldron.

Sinabi ni Cayetano, tagapangasiwa ng Philippine South East Asian Games Organizing Committee (PHISGOC) noong 2019, mas mura ang nasabing cauldron kaysa ginamit sa mga naunang SEA Games.

Ang cauldron ay dibuho ng namayapang National Artist for Architecture na si Francisco Mañosa, kinikilala bilang isa sa mga pinakaimpluwensiyal na arkitekto ng 20th century.

“I could have come up with a more humble one. Pero debut natin ito sa buong mundo. Ipinapakita natin na ‘yung facilities natin (ay) world-class,” wika ni Cayetano.

Sinabi rin ng dating Speaker, ang mga akusasyon ng korupsiyon na umikot sa cauldron ay nagtulak sa ilang mga kompanya na umatras sa kanilang sponsorship noong 2019 SEA Games.

“Much more would have been paid by the private sector kung ‘di nagkaroon ng crab mentality at siniraan. Kasi marami kaming sponsors na umatras,” wika niya.

Iginiit din ni Cayetano na hindi siya kumita ng kahit anong halaga sa SEA Games.

“My life in politics has not been perfect but ni singko sa SEA Games, wala akong ginalaw,” sabi niya.

Higit sa 5,000 atleta mula sa 11 bansa ang lumahok sa 2019 SEA Games, na ang Filipinas ang naging overall champion at humakot ng 387 medalya, at may 149 ginto.

Pinuri ni Olympic Council of Asia Vice President Wei Jizhong ang mga organizer at si Pangulong Rodrigo Duterte dahil sa matagumpay na SEA Games, at sinabing kaya ng Filipinas na mag-host ng mas malalaking palaro.

About hataw tabloid

Check Also

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …

Leave a Reply