Kylie at Andrea pinagtagpo ng tadhana

I-FLEX
ni Jun Nardo

PINAGTAGPO talaga ang mga sawi sa pag-ibig na sina Kylie Padilla at Andrea Torres sa WeTV digital series na BetCin.

Pormang lalaki ang isang picture ni Kylie sa kanyang Instagram. May mga sweet messages pa sila ni Andrea kaya hinala ng netizens, kuwento ng LGBTQ+ ito.

Sumakto naman ang kuwento sa sitwasyon nila sa buhay na hiwalay sa nakarelasyon. No more Aljur Abrenca for Kylie habang move on na si Andrea kay Derek Ramsay.

Napapanood ngayon si Andrea sa Kapuso series na Legal Wives at sa isa niyang eksena na kinukompronta ang lumabas na boyfie niyang si Dennis Trillo, punumpuno siya ng emosyon nang malamang engaged na ito sa character ni Alice Dixson na sister in law niya sa series.