HATAW! D'yaryo ng Bayan hatawtabloid.com
FACT SHEET
ni Reggee Bonoan
NATUTUNAN ni Erich Gonzales sa kanyang karakter sa teleseryeng La Vida Lena bilang Marga at Lena ang hindi magpa-apekto sa mga nambu-bully lalo’t wala namang magandang maidudulot sa pagkatao niya.
Kaya sa mga gustong mam-bully sa aktres, ‘wag siya’ dahil magsasawa lang kayo.
“One thing na hindi ko makakalimutan, ‘yung sinabi ni Magda na noong tini-tease siya at binu-bully siya sinabi niya na hindi naman sila nagma-matter sa kanya, so, hindi importante ‘yung opinion nila.
“I guess it’s human nature, I feel like everyone talks talaga. Kumbaga nasa sa ‘yo lang ‘yan kung magpapa-apekto ka ba or kung ano ‘yung gagawin mo. Kumbaga ‘yung perspective, ganoon lang,” katwiran ni Erich.
Nabanggit ding relatable sa lahat ang La Vida Lena.
“Maraming lessons talaga silang matututunan from ‘La Vida Lena’ and I feel like ‘yung kuwento is very relatable.
“Iba rin kasi talaga ‘yung pagmamahal, eh, kasi hindi lang para sa pamilya, pati sa sarili. Kasi lahat tayo mayroon tayo niyon, kumbaga innate na ‘yun sa atin,” sabi pa nito.
Ang La Vida Lena ay napapanood ngayon sa A2Z, TV5, Kapamilya online channel at iWantTFC handog ng Dreamscape Entertainments.
