Promo ng Lovi-Erich movie, tinitipid?

NAKUKULANGAN kami kung paano dapat sana’y bugbog sa promo ng Lovi Poe-Erich Gonzales movie.

Ewan kung “austerity program” ang ina-adopt ng production outfit nito—a virtual minor industry player—na dapat sana’y maugong na nagpapakilala.

May pagka-selective kasi ang pag-iimbita sa press kahit na ng mga nagdaang pa-presscon ng mga pelikulang ipinrodyus nito.

Ang maiden offering nilang Vhong Navarro starrer, na nabalitang kumita na’t lahat, ay wala man lang pa-thank you sa press. Kahit man lang magmula mismo sa bulsa ng bidang si Vhong ay waley considering na mataas din ang kanyang TF doon.

Now with the upcoming film ng nasabing production company, tipid-tipiran uli ang pamunuan nito. At kung shoestring ang budget na ipinaiiral ng produ pero umaasang kikita ‘yon sa takilya, wala ring iniwan ‘yon sa salitang “sigurista” bordering on opportunism.

Huwag silang magpakakompiyansa just because mahusay ang nagdirehe ng Lovi-Erich movie. Tested and proven na, na kahit pinakamagaling man na direktor ang namamahala ng anumang film or TV project ay hindi ‘yon garantiya na pasok ‘yon sa banga in terms of box office take.

And FY lang, ha? ‘Yung pelikula bago rito na pinagbibidahan ni Ai Ai de las Alas ay mild hit o malagihay lang ang naging resulta sa takilya.

Again, tinipid din kasi.

HOT, AW!
ni Ronnie Carrasco III