Wednesday , May 22 2024
Enrico Roque The Significant Other Lovi Poe Tom Rodriguez Erich Gonzales

The Significant Other, tinutukan ni Mayor Roque

HALOS lahat ay binati si Mayor Enrico Roque dahil sa ganda ng The Significant Other na pinagbibidahan nina Lovi Poe, Tom Rodriguez, at Erich Gonzales sa isinagawang premiere noong Martes ng gabi sa Trinoma Cinema.

Masayang-masaya si Mayor Roque, isa sa producer ng Cineko Productions, dahil naging maganda ang outcome ng sobrang pagod, pagtutok sa production, at pagpupuyat para matapos ang pelikula.

Sa sandaling pakikipaghuntahan namin sa mayor ng Pandi, Bulacan, naikuwento nito kung paano siya naging hands-on sa production side ng pelikula.

Bagamat aminadong hindi naman ganoon kalawak ang kaalaman sa technical side sa paggawa ng pelikula, ibinabase niya ang kanyang dunong sa mga napapanood na pelikula, local man o foreign.

Naikuwento pa ni Mayor Roque, blessings in disguise ang hindi nila pagkakasali sa nakaraang Metro Manila Film Festival dahil mas napaganda pa at naipasok ang mga suhestiyon ng magaling na direktor na si (RIP)Maryo J. delos Reyes.

Aniya, natuwa si Direk Maryo nang mapanood ang The Significant Other kaya marami itong itinurong technique kung paano pa lalong mapapaganda ang pelikula.

“Siyempre may mga suggestion kami kay Direk Joel Lamangan na galing din kay Direk Maryo. ‘Yung mga long shot ni Direk Joel, may ibinigay kami na mas maganda sigurong gawing close-up at naging maganda naman,”sambit pa ng mayor.

Buong pagmamalaki ring naikuwento ng magaling na mayor na suhestiyon niya ang naging ending ng The Significant Other. Ang ending dapat ni Direk Lamangan ay tanging si Tom ang makikita sa closing. Pero ang nangyari, tag-iisang frame ang tatlo na parehong umalis na nakakotse sina Lovi at Erich at masaya namang nagmumuni-muni si Tom.

“Hindi ba mas maganda ang lumabas?!” anang mayor. ”Inihabol talaga namin ‘yung dapat sabay na sabay ‘yung pag-alis ng sasakyan nina Lovi at Erich tapos ‘yung frame ni Tom,” dagdag kuwento ni Mayor Roque.

Sa kabuuan, maganda ang The Significant Other dahil hindi ito tulad ng mga napapanood nating agawan ng asawa na maingay, away dito, away doon, at maraming dakdak. Dito, ayon nga kay Mayor Roque, sosyal na agawan ng asawa dahil hindi bulgar o maingay.

Matino rin ang pagkakadirehe ni Lamangan at dapat ding palakpakan ang writer nito dahil magaling ang pagkakasulat.

Palabas na sa 170 cinema ang The Significant Other sa kasalukuyan handog ng Cineko Productions at ipinamamahagi ng Star Cinema.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Ralph Dela Paz

Coco at Ruru gustong makatrabaho ni Ralph Dela Paz

MATABILni John Fontanilla PAGKALIPAS ng ilang taon ay nagbabalik showbiz ang aktor, stage actor, at …

June Navaja Vincent Marcelo Piolo Pascual Toni Labrusca

Piolo at Toni wish makasama ng mga bida sa isang BL series

MA at PAni Rommel Placente SINA June Navaja at Vincent Marcelo ang mga bida sa BL series na My Bae-Bi …

Nash Aguas Mika dela Cruz Angelica dela Cruz 

Angelika nilinaw Mika ‘di buntis kaya nagpakasal kay Nash

MA at PAni Rommel Placente INIINTRIGA si Mika dela Cruz.  Buntis daw umano ito kaya bigla …

Jeric Gonzales Ruffy Biazon Trina Biazon Muntinlupa

Jeric Gonzales haharanahin mga Natatanging Ina ng Muntinlupa

RATED Rni Rommel Gonzales PASASAYAHIN at pakikiligin ni Jeric Gonzales ang mga taga-Muntinlupa City dahil haharanahin ng …

Blind Item, Mystery Man, male star

Aktor pa-victim ang drama, matapos magtago super pa-interview na

I-FLEXni Jun Nardo VISIBLE ngayon sa showbiz events ang isang aktor na nasangkot sa isang malaking kontrobersiya …

Leave a Reply

Your email address will not be published. Required fields are marked *