Friday , June 21 2024
erich Gonzales cry the blood sisters
erich Gonzales cry the blood sisters

Erich, ‘di napigil ang pag-iyak

HINDI napigil ni Erich Gonzales ang maiyak sa ibinigay na Thanksgiving mediacon para sa kasalukuyan niyang teleserye, ang The Blood Sisters dahil sa pagka-hook at agad tinutukan ng televiewers ang kuwento ng triplets.

Sa pagsisimula ng The Blood Sisters, agad itong nagtala ng national TV rating na 25.2%, ayon sa datos ng Kantar Media, kaya naman sobra-sobra ang pasasalamat ng aktres.

“‘Wow! Hindi ko po alam ang sasabihin ko. I have no words,” panimula ng aktres. ”Siguro puro pasasalamat lang po, unang-una thank you po sa oras ninyo na nandito po kayo, sa suporta pong ibinibigay ninyo sa ‘The Blood Sisters.’ Gusto ko rin pong i-grab ang opportunity na ito to thank all the televiewers na nagustuhan nila ang ‘The Blood Sisters,’ sana po patuloy lang silang kumapit sa istorya nina Carrie, Erika, at Agatha,”masayang pagbabahagi ni Erich na bukod sa teleserye ay hinangaan din ang maganda nilang pelikulang The Significant Other na palabas na ngayon.

Aminado si Erich na hindi madaling gampanan ang tatlong character na agad nailatag ang kuwento kung paano nagkahiwa-hiwalay ang triplets. ”But kapag naite-text na sa akin ang ratings at nakakabasa ako ng magagandang reviews, positive na feedback, sobrang nawawala po ang lahat ng pagod at gusto ko rin pong pasalamatan ang buong ‘Blood Sisters’ team, lahat po ng involve sa show, lahat ng co-actors ko, sobrang thank you po sa inyong lahat,” anito.

“Grabe, thank you lang talaga, pero bakit parang nakaiiyak,” at dito na hindi napigilan ni Erich ang maluha. “Sorry,” aniya habang patuloy na pumapatak ang kanyang luha at sige naman siya sa pagpunas.

“Pa-tribute naman,” tuloy pa rin sa pag-iyak ang aktres. ”Sandali lang po mga dalawang oras po (pag-iyak),”nangingiti subalit naiiyak pa ring sambit ng aktres.

“Thank you po sa lahat ng involve sa shows, sa production staff. Thank you po sa aming direktor Jojo (Saguin), direk Dick (Roderick Lindayag) sobrang thank you po sa hardwork ninyo, sa passion ninyo, sorry talaga,” iyak pa ni Erich na ibinuking ni Cherrie Pie Picache (gumaganap na ina ng katauhan ni Agatha) na kauuwi lang ni Erich kahapon ng 5:00 a.m. at nang tanghali ay nagtungo na sa Thanksgiving mediacon.

Pagpapatuloy pa ni Erich,”Thank you also to Dreamscape and to Sir Deo (Endrinal, head ng Dreamscape) for this dream project, ‘Yun muna. Thank you.”

Patok na patok sa manood ang The Blood Sisters na sa loob ng dalawang linggo, patuloy nitong tinatalo ang kalabang programa at consistent na nakapapasok sa Top 5 ng pinaka-pinanonood na weekday programs sa buong bansa.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Zara Lopez Reece Sapphire

Zara Lopez sa kabila ng mga pagsubok may matibay pananalig sa Diyos, nakatutok sa mga anak na sina Reece at Sapphire

ALAM MO NA!ni Nonie Nicasio KAHIT dumating man ang maraming pagsubok at dagok sa buhay, …

BGYO

BGYO nagsampa cyberlibel at unjust vexation vs mga indibidwal na nagpapakalat ng fake news

MA at PAni Rommel Placente HINDI na nakapagpigil, nagsampa ng kasong cyberlibel at unjust vexation …

Gary Estrada Dina Bonnievie Bernadette Allyson Carmina Villarroel

Gary ini-stalk noon si Dina; magpapakamatay ‘pag ‘di pinansin 

MA at PAni Rommel Placente SA guesting ni Gary Estrada sa Saturday morning show na Sarap, Di Ba? ng GMA …

AR dela Serna Harry Roque

Sino nga ba si AR dela Serna na laging kasa-kasama ni Harry Roque sa Europe?

HATAWANni Ed de Leon MAY ilang nagpadala sa amin ng messages ilang araw na at …

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Leave a Reply

Your email address will not be published. Required fields are marked *