HATAW! D'yaryo ng Bayan hatawtabloid.com
BAKIT wala si Maja Salvador bilang bagong manager ni John Lloyd Cruz o representante ng Crown Artist Management sa ginanap na pagpirma ng kontrata ng aktor para sa big night ng Shopee online na gaganapin sa Araneta Coliseum sa Hunyo 6?
Si Willie Revillame ang main endorser ng Shopee Philippines at sa nasabing pirmahan ay kasama niya ang abogado, Marketing Manager ng Shopee. at si John Lloyd.
Kuwento ni Willie sa panayam niya sa PEP, ”he’s signing a contract to be part of the 6-6 Shopee Mega Fiesta show to be shown in GMA 7. He’s signing the contract para mag-guest sa amin this Sunday, June 6 sa Araneta Coliseum and more to come.”
Pagkatapos magpirmahan ay nagkamay sina JLC at Willie at sabay sabi ng huli, ”welcome to my production and to Shopee of course ha, haha.”
Positibo ang feedback sa pagpirma ng aktor sa Shopee na mapapanood sa GMA at sana nga raw ay magtuloy-tuloy na siyang gumawa ng series sa Kapuso Network.
Going back to John Lloyd, baka per project ang usapan nila ng Crown Artist Management na ibig sabihin puwedeng dumiretso sa kanya ang kliyente lalo na kung kaibigan niya ito tulad ni Willie.
Abangan ang mga susunod na plano ni Willie para kay Lloydie.
FACT SHEET
ni Reggee Bonoan
