PUSH NA’YAN
ni Ambet Nabus
BONGGA si Lella Ford sa pagiging matapang at totoo.
Sa programang Fast Talk ni kuya Boy Abunda, inamin nitong proud nepo baby siya.
Grabe rin ang kulitan nila ng nanay niyang si Karla Estrada na ayon pa sa bagets ay pinagbabawalan na nilang mag-asawa o magka-bf man lang dahil pagdating daw sa love ay nababaliw ang nanay nila.
Hirit tuloy ni Karla, “tatanda na lang akong mag-isa, hahaha!!!”
Ayon sa 20 year old sister ni Daniel Padilla, bilang isang ‘nepo baby’ ay may obligasyon siyang mas maging productive at responsible sa mga gawain niya.
“Nagiging masama lang siya if you take advantage of it, if palamunin ka lang at wala kang ginagawa. But ako po, I’m here because I’m making a name for myself. Pinaghihirapan ko lahat ng mayroon ako now,” paliwanag nito.
