HATAW! D'yaryo ng Bayan hatawtabloid.com
CURIOUS kami kung anong plano ni Sharon Cuneta sa laboratory na nagsagawa sa kanya ng COVID 19 swab test noong Mayo 16 at positive ang resulta na naging dahilan kung bakit hindi siya natuloy sa kanyang Hollywood movie kasama ang Fil-Am comedian na si JoKoy. At malaking halaga ang nawala sa kanya.
Mayo 16 nang magpa-swab test ang Megastar bilang requirement sa pag-alis niya ng Mayo 18 patungong Los Angeles California para sa isang gabing pahinga at kinabukasan, Mayo 19 ay diretso na siya ng Canada na ang entire location ng pelikula na produced ni Steven Spielberg.
Base sa IG Live ni Sharon, handang-handa na ang lahat ng papeles, naka-empake na siya at siya na lang ang hinihintay ng kanyang manager sa Amerika para sa nasabing proyekto.
Noong Mayo 17 habang hinihintay ang resulta ng swab test ay may mga zoom meeting na si Sharon para sa mga final bilin sa kanya at kung ano-ano at pagkatapos ng meeting ay sinabihan siya ng kanyang assistant na positibo siya sa COVID19.
Kaagad ipinaalam ng aktres ang kalagayan niya sa manager niya sa Amerika para hindi na siya hintayin dahil nga may sinusunod na scheduled shooting ang buong team at inamin niyang heartbroken siya ng mga oras na iyon.
At dahil hindi mapanatag ang kalooban ni Sharon ay nagpa-sked siya ng another swab test sa iba’t ibang laboratory.
Kuwento niya, ”Ito ang masakit after this test by that lab, which I still cannot forgive, I immediately scheduled 3 different labs to come and test me again, after that the next day another different lab, so pang-apat na then later on sa ABS- swab ulit. It’s a total of 7 swab test and all the 7 labs tested me NEGATIVE, so hindi ba naman hearbreaking ‘yun?” That’s why I was depressed.”
Ito ang dahilan kung bakit may mga post ang Megastar sa kanyang IG na masaya at sa kalaunan ay biglang na-depress at kinailangan niyang magkaroon ng ‘alone time’ na ginawa naman niya sa kanyang dating condo unit noong dalaga pa siya sa Twin Towers sa Ayala Avenue, Makati City.
Hanggang sa lumipad na siya patungong Amerika para sa bakuna at para sa ilang projects na hindi pa niya binanggit kung ano-ano ang mga ito.
FACT SHEET
ni Reggee Bonoan
