Yassi nagpa-rescue kay Robi sa pagho-host

HANDPICKED mismo si Yassi Pressman para mag-host ng Rolling In It Philippine version ng number one game show sa United Kingdom na nagsimula noong Agosto 8, 2020.

Bagamat paos na humarap si Yassi sa isinagawang virtual mediacon dahil na rin sa paulit-ulit na pagsasanay sa pagho-host, noong Martes ng umaga para sa Rolling In It Philippines, inamin niyang hindi siya nakapag-workshop (host) dahil kapos sa oras.

Kuwento ni Yassi sa kanyang show, dinalasan na lang nila ang kanilang rehearsals at paulit-ulit niyang binabasa ang script para mas masanay.

Sinabi pa ni Yassi na may mahigpit ding bilin sa kanya ang management ng Rolling In It Philippines, ito ay kailangan niyang sundin ang script kahit na may mga adlib pa siya.

Sambit pa ni Yassi, humingi siya ng advise kay Robi Domingo para maging maayos ang kanyang pagho-host

“Si Robi (Domingo) po, binigyan niya ako ng napakaraming pointers like sabi niya, ‘just be yourself, just have fun,’ mayroon pa siyang mga nakatatawang sabi pero hindi ko na po ikukuwento. Thank you Robi,” dagdag pa ng dalaga.

Ang Rolling In It Philippines ay magsisimula na sa Hunyo 5 (Sabado), 7:00 p.m. at mapapanood din sa Sari-Sari tuwing Linggo, 8:00 p.m. simula sa Hunyo 6 handog ng Cignal TV CH. 3, SatLite CH. 30, at mayroon din sa Cignal Play App na puwedeng ma-download ng libre para sa Android at iOS users.

Ito ay ipinrodyus pa rin ng VIVA Entertainment na ang mga magiging contestants weekly ay may pagkakataon na magwagi ng P2,000,000.

SHOWBIZ KONEK
ni Maricris Valdez Nicasio