Wednesday , July 9 2025
Para Sa Broken Hearted Yassi Pressman Shy Carlos Louise Delos Reyes Sam Concepcion Marco Gumabao
Para Sa Broken Hearted Yassi Pressman Shy Carlos Louise Delos Reyes Sam Concepcion Marco Gumabao

Umiyak, tumawa sa Para Sa Broken Hearted

“ANG sakit.” Ito ang karaniwan naming narinig sa mga nanood sa premiere night ng pelikulang Para sa Broken Hearted, na hango sa best-selling book ng kilalang “hugot novelist” na si Marcelo Santos III.

Binigyang buhay nina Yassi Pressman, Shy Carlos, Louise Delos Reyes, Sam Concepcion, at Marco Gumabao ang mga karakter na sina Shalee, Jackie, Kath, Alex, at RJ. Idinirehe ito ni Digo Ricio para sa Viva Films.

Tulad ng mga love story na may masalimuot, malungkot, masaya o nakaiiyak na istorya ang mapapanood sa Para sa Broken Hearted.

Unang ipinakita ang istorya ni Shy o si Jackie na isang go-getter. Laki sa nanay at lola na na-inlove kay RJ (Marco), isang varsity player at matamis ang dila. Na ang pangakong mamahalin at ‘di sasaktan si Jackie ay ‘di totoo dahil huli’y naghiwalay din sila at ipinagpalit pa sa iba.

Si Kath (Louise) naman ay malakas ang loob at mahilig sa lakaran.  Siya iyong maraming hugot na nakilala si Dan sa panahong ginagamot ang  pagkasawi sa pag-ibig.

Pinaka-nag-enjoy ako sa kuwento ni Shalee (Yassi), isang photography enthusiast na masayahin sa kabila ng pagkakaroon ng sakit sa puso. Ang galing-galing dito ni Yassi dahil naipakita niya ang other side ng talento. May pagkakikay kasi rito si Yassi na bagay sa kanya. Kinontrata niya si  Alex (Sam) para maging boyfriend at maranasan ang magmahal at ang mahalin bago siya mawala sa mundo.

Subalit sa bawat masayang pagsasama, laging kakabit ang kalungkutan kaya naman sobrang sakit ang naramdaman ni Alex nang lumala ang kalagayan ni Yassi.

Pero hindi lahat ay sakit, sama ng loob o pag-iyak dahil mayroon ding saya nang muling magkita sina Alex at Kath.

Pang-millennial ang atakeng ginawa ni Direk Ricio. May mga experimental scene siyang ginawa na hindi ko alam ang tawag doon. Pero lumabas iyong interesting.

Magan­dang panoorin ito at  ‘wag palampasin ang pelikulang puno ng pag-ibig at pait mula handog ng VIVA Films at Sari-Sari Films.

SHOWBIZ KONEK
ni Maricris Valdez Nicasio

Krystall Herbal Products and FGO Branches

About Maricris Valdez Nicasio

Check Also

Kathryn Bernardo ABS-CBN Ball 2025

Kathryn pahinga pa rin ang puso, ayaw munang mainlab

REALITY BITESni Dominic Rea ANO nga ba ang totoo? Mukhang tahimik na ang tsismis patungkol …

Karla Estrada Kathniel Daniel Padilla Kathryn Bernardo

Daniel pinatunayan ni Karla na loveless

REALITY BITESni Dominic Rea ITINANGGI ni Karla Estrada ang balitang nagkabalikan na sina Daniel Padilla at Kathryn Bernardo.  “Hindi totoo …

Luis Manzano Vilma Santos

Luis tutulong sa  non-civic project ni Vilma

PUSH NA’YANni Ambet Nabus SA ilang shows na inialok kay Luis Manzano na gustong balikan, ang Rainbow Rumble ang …

Roselio Troy Balbacal

Actor/model Roselio Troy Balbacal nanumpa  

MATABILni John Fontanilla NANUMPA na ang mga bagong-halal na opisyal ng bayan ng Tuy, Batangas …

Melai Cantiveros Sexbomb Rochelle Pangilinan Jopay Paguia Sunshine Garcia Cheche Tolentino

Melai at Sexbomb girls importante ang koneksiyon

RATED Rni Rommel Gonzales BILANG isang ina mahalaga kay Melai Cantiveros ang mura, mabilis, at reliable na …

Leave a Reply

Your email address will not be published. Required fields are marked *