Kabayan Noli, mananatiling Kapamilya

SINABI ni Noli de Castro, siya ay mananatiling Kapamilya at hindi na aalis ng ABS-CBN. Sinabi nga niyang nagsimula siya sa ABS-CBN noong 1986, noong makuhang muli iyon ng mga Lopez mula sa gobyerno. Hindi na siya aalis doon.

Parang mahirap din namang umalis pa si Noli sa ABS-CBN. Hindi siya riyan nagsimula. Galing siya sa mga Benedicto, sa RPN at sa IBC, pero nagtagal siya talaga at nakakuha ng malaking break sa ABS-CBN. Noong araw kasi, si Kabayan ay nagvo-voice over lamang. Sa ABS-CBN inilagay siya talaga on cam. Nakilala siya sa kanyang radio program, hanggang sa maging senador at vice president pa. Tapos nagbalik siya ulit sa ABS-CBN.

Kung iisipin mo, retired na rin naman si Kabayan, dahil sabi nga niya sa amin noong minsan, 75 na rin siya. Talaga ngang dapat sa ABS-CBN na lang siya. Retired na siya eh, hindi na siya makalilipat.

Ed de Leon