HATAW! D'yaryo ng Bayan hatawtabloid.com
Supposedly ay sa September uli ang balik ng recording artist-dancer na si JC Garcia sa Filipinas pero dahil sa sitwasyon ngayon sa bansa ay mukhang malabo na siyang makauuwi. Nakaplano na sana ‘yung gagawin niyang solo concert sa magandang venue at excited pa naman si JC na makapag-perform sa sarili niyang bansa. ‘Yung malaking offer sa kanya sa ilang series of shows sa iba’t ibang bansa kasama ang sikat na banda ay saka na matutuloy kapag maayos na ang lahat. Mabuti na lang at hardworking si JC kaya mabubuhay siya kahit walang show, pero siyempre nami-miss niya ito at
alam niyang makagagawa pa rin siya this year ng concert na miss na rin ng lahat ng supporters.
Kasama rin sa pagkakaabalahan niya ang internet radio show na pagsasamahan nila ni Susan Ramsey na daughter ng yumaong si Elizabeth Ramsey at isang solo niya na “It’s Showtime” sa bagong tahanang radio station sa San Francisco na Fil-AM Newspaper.
‘Yung reklamo naman ng international recording artist sa taong nanloko sa kanya ng malaking halaga ay sinulatan na ng Mayora ng Bacoor na si Lani Mercado. Wala pa raw sagot pero magpa-follow-up raw siya kay Lani, para mahuli na at hindi na makapanloko ng iba ang Van Richi de Leon at ang sister nito na si Cristy de Leon.
May connect pala si JC kay Lani dahil inaanak siya sa binyag ni dating senador Ramon Revilla, Sr. Kaibigang matalik ng kanyang ama na bida-character actor noong dekada 60s-80s na si Bino Garcia.
VONGGANG CHIKA!
ni Peter Ledesma
