HATAW! D'yaryo ng Bayan hatawtabloid.com
SA buhay, sabi nga ay walang tinatawag na coincidence o mga okasyong nagkataon.
Wala kasing bumili sa paeklay ni Vice Ganda na coincidence lang daw na nagpang-abot sila ng basketbolistang nali-link sa kanya, si Calvin Abueva ng koponang Phoenix Fuel sa isla ng Boracay.
Sey ni VG, bakasyon ang ipinunta niya sa tourist spot na para ibakasyon ang kanyang ina at makapagpahinga na rin.
Kaya nasa Boracay din si Calvin ay para dalawin ang kapatid nito.
Siyempre, no one wants to believe VG’s version. Kasi nga naman, lately ay constantly together sila kaya imposibleng hindi sila nagkakaalaman ng kanilang mga itinerary.
Bale ba, ang tsika ni Vice Ganda’y nagulat pa siyang nagkrus ang landas nila ni Calvin. “O, nandito ka pala!” ang dayalog daw ni Vice when he chanced upon Calvin on the island.
Kung kami ang tatanungin, walang dapat ipag-alala si VG kung totoo mang may usapan sila ni Calvin even if they took separate flights para magmukhang disimulado.
Eh, sa Maynila nga, nagba-bonding sila, anong kaibahan niyon if they got bonded somewhere else? Hindi naman naging isyu ang closeness nila, bagkus ay marami pa nga ang kinikilig.
Huwag nang magpaka-echoserang palaka ang mahusay na gay TV host-comedian. Tinanggap siya ng publiko dahil sa talento niya, at labas doon ang mga pinaggagawa niya sa buhay lalo’t wala naman siyang napeperhuwisyong tao.
To top it all, doon siya masaya. Ipagkakait ba natin ‘yon?
ni RONNIE CARRASCO III
