Tuesday , January 31 2023
Ariella Arida, Lassy Marquez 

Lassy Marquez nandiri kay Ariella Arida

SHOWBIZ KONEK
ni Maricris Valdez Nicasio

SI Lassy Marquez pa pala ang tila nagdalawang isip o tila nandiri nang sabihin ni Direk Darryl Yap na may eksena sila sa Sarap Mong Patayin ng Viva Films na mapapanood na sa Vivamax simula October 15 na halikan ni Ariella Arida.

Sa virtual media conference, inamin ni Lassy na na-shock siya nang sabihin ni Direk Darryl ang ukol sa eksena.

“Ako talaga ang nag-yuck! Ha-hahaha!

“Kasi naman siyempre, bading ako, tapos babae, beauty queen hahalikan ko! Kadiri, ‘di ba? Sabi ko nga, ito na yata ang pinakamarumi, pinakamalansang pelikula na nagawa ko. Napakarumi talaga.

“Feeling ko nga, dapat dinala siya sa hospital after ng halikan namin!” natatawang paliwanag ni Lassy.

Kabaliktaran naman ang reaksiyon ni Ariella dahil umoo agad ito nang banggitin ang ukol sa kissing scene nila ni Lassy.

“Unang kita pa lang namin ni Lassy, ‘yun agad ang pinag-usapan namin. Sabi ko, ‘Hahalikan kita?’ Siya pa ‘yung parang nagdadalawang-isip,” kuwento ni Ariella.

“Ang ginawa ko, tinitingnan ko na lang siya every day kapag magkasama kami sa set para talagang matanggap ko na ito ‘yung hahalikan ko,” sambit pa ng beauty queen.

Natanong si Lassy kung anong paghahanda ang ginawa niya sa naturang kissing scene. Nasabi nitong hindi naman niya pinaghandaan, katunayan, hindi nga raw siya nag-toothbrush.

“Kung sabi ni Lassy, hindi siya nag-toothbrush, okay lang. Nahalikan naman niya ‘yung sipon ko. ‘Yun ang ganti ko. Ha-hahaha!” tawang-tawang sagot ni Ariella.

Sa kabilang banda, Ang Sarap Mong Patayin  ay ukol sa “catfishing” na ang ibig sabihin ay ang paggamit ng ibang imahe sa social media para makapanloko ng tao at makuha ang mga gusto nila. Na kapag hinaluan pa ng droga ang panlolokong ito, tiyak malaking pinsala sa lahat ng sangkot.

Ang Sarap Mong Patayin ay likha at idinirehe ni Darryl na magbibigay sa mga manonood ng iba’t ibang emosyon. Ang takbo ng kuwento at bawat karakter ay magdudulot ng takot, pero dahil nga kay Lassy, na miyembro ng nakaaaliw na Beks Battalion, hindi rin mawawala ang tawanan. Ito ay malaking break para sa kanya na madalas kasama sa pelikula ni Vice Ganda.

Kasama rin dito si Kit Thompson na tiyak na maraming beki ang maiinggit kay Lassy dahil ‘naisahan’ niya ang poging actor.

Streaming na sa Vivamax ang Sarap Mong Patayin simula Oct. 15.  

About Maricris Valdez Nicasio

Check Also

Jun Miguel Talents Academy PMPC 35th Star Awards for TV

Talents Academy wagi sa  PMPC 35th Star Awards for TV

MASAYANG-MASAYA ang dating That’s Entertainment member na si Jun Miguel na siyang producer and director ng matagumpay na children’s …

Maria Luisa Varela Miss Planet International 2023

Maria Luisa Varela itinanghal na Miss Planet International 2023

HINDI man tayo pinalad na manalo sa Miss Universe, Miss International, at Miss Earth ay wagi naman ang Pilipinas sa Miss …

Paolo Ballesteros

Vice Ganda tinalo ni Paolo Ballesteros sa Star Awards for TV

MATABILni John Fontanilla WAGING-WAGI sa katatapos na Philippine Movie Press Club 35th Star Awards for Television na ginanap …

Lian Paz Paolo Contis

Lian Paz may parinig kay Paolo Contis

MATABILni John Fontanilla USAP-USAPAN sa apat na sulok ng showbiz ang naging post ni EB Babe …

Richard Yap Jodi Sta Maria Gabbi Garcia Joshua Garcia

Unbreak My Heart ng ABS-CBN at GMA kukunan sa Switzerland

SHOWBIZ KONEKni Maricris Valdez Nicasio INUMPISAHAN na pala ang shooting ng kauna-unahang collaboration ng GMA Network at ABS-CBN, …

Leave a Reply