HATAW! D'yaryo ng Bayan hatawtabloid.com
MA at PA
ni Rommel Placente
SA isang interview ni Bobet Vidanes, sinabi niya na ang isa sa dahilan ng pag-alis niya sa It’s Showtime bilang direktor, ay dahil may mga nagli-leader na sa kanilang noontime show. Na dapat y siya lang ang, since siya ang direktor.
Hindi nagbanggit si Direk Bobet ang pangalan kung sino ang sinasabi niyang mga nagli-leader bukod sa kanya.
Isa pang ibinulgar ni Direk Bobet, may idinagdag na host sa It’s Showtime na hindi man lang siya sinabihan o in-inform bilang siya nga ang direktor.
Nalaman na lang niya na during the show, ay may bibigyan ng bouquet of flowers, bilang pag-welcome rito bilang additional host ng It’s Showtime. Feeling niya ay na-bypass siya.
Hindi rin binanggit ni Direk Bobet kung sino ‘yung additional host. Pero siguradong si Kim Chiu ang tinutukoy niya. Ang girlfriend kasi ni Xian Lim ang bagong dagdag na host sa It’s Showtime, ‘di ba?
Ano kaya ang magiging sagot ng mga host ng It’s Showtime at ng production staff nito sa rebelasyon ni Direk Bobet? Siguradong si Vice Ganda ay magbibigay ng reaksiyon tungkol dito. Knowing him, ‘di ba?
Pero dapat lang naman na ibigay din nila ang panig nila at hindi ‘yung panig lang ni Direk Bobet ang narinig o nalalaman ng publiko, ‘di ba? Magsalita na rin sila dapat sa isyung ibinato sa kanila ni Direk Bobet. Ipagtanggol nila ang kanilang sarili.
