Lizada ng LTFRB inilipat sa CSC

INILIPAT ng puwesto ni Pangulong Rodrigo Duterte si dating LTFRB spokesperson Aileen Lizada.

Sa inilabas na ap­point­ment paper ng Pa­lasyo, itinalaga ni Pangu­long Duterte si Lizada bilang commis­sioner ng Civil Service Commission (CSC).

Si Lizada ay mag­sisilbing commissioner ng CSC, na may terminong magtatagal hanggang 2 Pebrero 2025, kapalit ni Robert Martinez.

Matatandaan, nag­bitiw bilang tagapag­salita ng LTFRB si Lizada dahil sa umano’y hindi nila pagkakasundo o pagka­ka­roon nila ng magkai­bang opinyon ni LTFRB chairman Martin Delgra.

Samantala, itinalaga rin ni Pangulong Duterte bilang undersecretary  ng Department of Agri­culture si Waldo Reyes Carpio, bayaw ni Davao City Mayor Sara Duterte at kapatid ng mister niyang si Atty. Mans Carpio.

Habang itinalaga ng Pangulo bilang am­bassador extraordinary and plenipotentiary for the Republic of Chile si Teresita Cruz Daza.

(ROSE NOVENARIO)