HATAW! D'yaryo ng Bayan hatawtabloid.com
KUNG hindi man nailaglag ni Victor Magtanggol ni Alden Richards ang top rated action-seryeng FPJ’s Ang Probinsyano ni Coco Martin, nagsanib-puwersa ang dalawang big star ng Kapuso, sina Dingdong Dantes at Dennis Trillo sa Cain at Abel para sagupain ang Kapamilya actor.
Ang Cain at Abel ay ikatlong beses nang napanood. Ang una ay noong 1964 (Kamay ni Cain) tampok si Fernando Poe Jr. at Zaldy Zshornack na idinirehe ni Gerardo de Leon. Ikalawa ay pinagbidahan nina Christoper de Leon at Phillip Salvador noong 1982 na idinirehe ni Lino Brocka. Ngayong taon, ito’y pamamahalaan ni Toto Natividad.
Abangan na lang ang pagsabak nito sa ere at tingnan kung mapapantayan nila ang controversial teleserye ng Kapamilya.
Dinig namin hindi nagpapa-double si Dennis sa mabibigat niyang eksena rito.
Pag-iilaw ng Christmas tree
ng Araneta, dinagsa
FOR 37 years sinisindihan ang giant Christmas tree sa may Araneta Center. Bago mag-Pasko ilan sa showbiz personalities ang dumadalo sa pag-iilaw nito.
Kamakailan, sina Sarah Geronimo at Vice Ganda ang nag-ilaw. Masaya ang affair dahil dumalo ang kyusi vice mayor na si Joy Belmonte at Binibining Pilipinas chairman Stella Marquez-Araneta.
Sobrang daming tao rin ang nakiisa sa pag-iilaw.
***
BIRTHDAY greetinngs sa mga November born—Gov. Imee Marcos, business magnate Lucio Tan, Manoling Morato, Priscilla Almeda, Laila Montelibano, Janus del Prado, Liwayway writer Boy Silverio, Arjo Atayde, at Josie Maniago.
SHOWBIG
ni Vir Gonzales
