Vice Ganda, luka-luka sa pag-ibig, pero ‘di syonga

IN many ways, maraming mga beki ang nakare-relate sa kilig-kiligan ni Vice Ganda na ngayo’y iniuugnay sa kanyang kumpare at PBA player na si Calvin Abueva.

Tulad ng alam ng lahat, may asawa’t anak ang basketbolista. Inaanak ni Vice Ganda sa binyag ang supling ni Calvin.

All-praises ang TV host-comedian kay Calvin. Ito kasi ang tipo ng straight guy na “care bears” sa kung anong sasabihin ng madlang pipol tungkol sa kanilang closeness.

Isang rebelasyon ‘yon para sa amin tungkol sa pagkatao o karakter ni Calvin. Oo nga naman, we are in a century na mas malawak na dapat ang ating pagtingin sa buhay.

Gone are the days na big deal na makitang magkasama ang isang tunay na lalaki at isang berdaderong bayot on the street nang walang iisiping malisya ang mga tao.

Bagama’t hindi natin saklaw o kontrolado ang takbo ng kanilang utak, eh, ano naman?

Calvin is certainly the type of guy na may kompiyansa sa kanyang sekswalidad. At kung haluan man ng malisya ang pagde-date-date nila ni Vice Ganda, hindi ‘yon issue para sa kanya.

Now we realize even more kung bakit itinatangi nga ni VG si Calvin. Hindi kasi siya tulad ng ibang straight guy na kailangan pang karayin ang buong tropa sa mga gimik with gay partners para lang magmukhang disimulado ang lahat.

And take it straight from the horse’s mouth (hindi naman siguro kami makaka-offend kay VG sa paggamit ng idiomatic expression na ito, ano?).

Nakaka-feminine ng feeling ang emote ni VG na, ”He makes me very happy.”

Anuman ang extent ng ibinibigay na kaligayahan ni Calvin kay Vice Ganda (dahil sa adverb na “very”) ay silang dalawa lang ang nakaaalam.

Honestly, dahil big fan nga kami ni Vice Ganda, anuman ang maging source ng kanyang joy ay nagra-rub off sa amin. Masaya rin kami sa beking ito who after all deserves to be happy.

Si VG ang tipo ng mangingibig who knows better kung paanong kalkulado rin niya ang timing ng kanyang mga pinapakawalang jokes.

Luka-luka sa pag-ibig to a certain extent pero hindi syonga. Marahil, a willing victim sa umpisa pero may isinet na siyang hangganan kung hanggang saan lang siya magpapakasyonga sa kanyang dyowa.

To Vice Ganda, just keep loving. Masarap umibig at ibigin. Care bears lang sa bashers, hindi naman sila ang nagpapasaya ng puso mo.

Nangunsinti pa kami, o!

HOT, AW!
ni Ronnie Carrasco III