HATAW! D'yaryo ng Bayan hatawtabloid.com
BONGGANG-BONGGA ang katatapos na 21st birthday ni Joshua Garcia handog ng kanyang fans, ang Tropang Joshua Official na isinagawa sa Fernwood Garden noong Linggo, November 4 na may temang Mafia.
Bukod sa mga miyembro ng Tropang Joshua na mayroon pang nanggaling sa ibang bansa, Cebu, at iba pang lugar, inanyayahan din nila ang pamilya at kamag-anak ng actor gayundin ang reel at real loveteam nitong si Julia Barretto.
Mabunyi ang debut ni Joshua na pinagkaabalahang ayusin ng ilang buwan, simula pa noong Marso, ng admin ng Tropang Joshua na si Bea Gonida katulong si Mheck Gonzales at iba pang kagrupo nito. Mayroong 21 roses, 21 treasures, at 21 wines si Joshua.
Sa aming pagtatala, gumastos ang fans, ayaw nilang sabihin talaga kung magkano, ng P600-M na bukod sa masasarap na pagkain at inumin, nakatawag pansin din ang LED cake na nagkakahalaga ng P35k.
Lahat naman ng dumalo ay nasiyahan lalo na si Joshua na sobra-sobra ang pasasalamat sa Tropang Joshua dahil ipinakita talaga ng mga ito kung gaano siya kamahal ng mga ito.
Ani Joshua sa kanyang speech, “Ngayon lang ako nakaranasan ng ganitong engrandeng party na may pa-cater pa. Maraming salamat sa inyong walang sawang suporta at pagmamahal.”
Nasabi ito ng actor dahil simple lang naman ang buhay niya sa Batangas bago pumasok ng showbiz.
Masayang-masaya at halos maiyak din ang admin ng Tropang Joshua na si Bea dahil sa matagumpay na party.
Nakisaya rin si Julia sa birthday party na game na game makihalubilo sa kanilang fans. Anang aktres sa kanyang message sa aktor, “Belated, belated Happy birthday. Ano pa ba ang hindi ko nasasabi ko sa kanya? Ha ha ha. I’m so proud of the man who have blossomed to be. I’m so proud of the son that you are, the partner that you are, the idol that you are, you’re such a good model, a good influence…you we’re a gift to me and I love you and you are my one and only love.”
SHOWBIZ KONEK
ni Maricris Valdez Nicasio
