Roque bumalik sa Palasyo para magpaalam

HUMARAP sa huling pagkakataon sa Mala­cañang Press Corps si dating Presidential spokes­person Harry Roque kahapon upang pormal na magpaalam sa administrasyong Duterte.

Bukod sa pagpa­pa­salamat, inihayag ni  Roque ang kanyang pagtakbo hindi sa pagka-senador kundi bilang nominee sa Luntiang Pili­pinas environment party-list na kanyang ihahain ngayon sa COMELEC.

Aminado si Roque na masikip ang kanyang tsansa sa Senado lalo’t bukod sa pito ang mga re-electionist, kailangang ikonsidera niya rin ang aspektong pinansiyal.

Pinabulaanan ni Roque ang mga naglu­tangang balitang bini­tiwan siya ng Pangulong Duterte na kanyang nakausap kahapon at maayos aniya ang kani­lang naging paghihiwalay ng Presidente.

Pinasalamatan ni Ro­que ang Pangulo sa alok sa kanyang maging Office of the Press Secretary ngunit sinabi niyang hindi siya ang tamang indibi­duwal na mailagay sa posisyon dahil hindi siya nagmula sa larangan ng pama­mahayag.

(ROSE NOVENARIO)