P.8-B jackpot sa lotto gusto rin masungkit nina Digong, SAP Go

KINOMPIRMA ni  Special Assistant to the President Christopher “Bong” Go na gaya ng pangkaraniwang Filipino ay tumaya rin silang dalawa ni Pangulong Rodrigo Duterte sa Ultra Lotto na mahigit P800 milyon ang jackpot.

Ayon kay Go, 18 combination ang pina­tayaan nila ni Pangulong Duterte para sa 6/58 jackpot draw mamayang gabi.

Sa pinakahuling lucky pot ng 6/58, naitala ito sa P849 milyon at maa­aring umabot pa ito sa halos P900 milyon bukas ng gabi.

Sa isang lotto outlet  sa Metro Manila, ani Go, sila nagpataya na kung sakali’t palarin ay ilalaan nila ang mapapanalunan para sa kanilang Mala­sakit Center program.

Binigyang diin ni SAP Go, hindi na bago ang pagtaya sa Lotto nila ni Pangulong Duterte dahil ginagawa na nila ito sa nakalipas na limang taon.

ni ROSE NOVENARIO