HATAW! D'yaryo ng Bayan hatawtabloid.com
WALANG katotohanan na na-confine sa isang pagamutan sa Metro Manila si Pangulong Rodrigo Duterte kaya hindi nakasipot sa isang opisyal na pagtitipon sa Palasyo kamakalawa ng hapon.
Sinabi ni Special Asistant to the President Christopher “Bong” Go, napagod nang husto si Pangulong Duterte at gabi na nakauwi mula sa pagbisita sa Catarman, Samar kamakalawa ng gabi, kaya nagpasyang private meeting na lang ang daluhan.
“Walang katotohanan na-admit si PRRD. Hindi ‘yan totoo 100% po. Itataya ko ang buhay ko d’yan, hindi totoo ‘yan. Antay lang natin mamaya may public appearance siya. Kahapon naman private meeting lang siya dahil pagod na pagod siya noong isang gabi, ‘di ba galing kami sa Catarman, late na kami nakauwi, “ ani Go.
Buwelta ni Presidential Spokesman Harry Roque, makarma sana ang mga nagnanais na magkasakit si Pangulong Duterte.
Dagdag ni Roque, nakahanda siyang magpadala ng larawan ng Pangulong Duterte upang patunayang mali ang espekulasyon.
(ROSE NOVENARIO)
