HATAW! D'yaryo ng Bayan hatawtabloid.com
SA walong taon ni Ritz sa showbiz ay ngayon lang siya nagkaroon ng pelikula kaya naman natanong siya kung hindi siya naiinip sa takbo ng karera niya dahil noong lumipat naman siya sa ABS-CBN noong 2016 ay isang teleserye palang ang masasabing lead star siya, ang The Promise of Forever kasama sina Paulo Avelino at Ejay Falcon mula sa Dreamscape Entertainment.
At pawang guestings naman ang iba tulad ng FPJ’s Ang Probinsyano, Maalaala Mo Kaya, ASAP, Wansapanataym, Ipaglaban Mo, at Banana Sundae.
May magandang paliwanag si Ritz dito, “Ako naman po, tumatanggap lang ako kung ano ang dumarating sa buhay ko at naniniwala ako na everythings’ happen for a reason. Ang panahon ang nagbibigay kung ano ang dapat sa ‘yo.
“Hindi po ako naiinip kasi nagkaroon din ako ng time sa family ko, ‘yun po ang pinakamahalaga sa akin, nagkaroon ako ng pahinga at nagkaroon ng realization sa sarili ko na i-balance ang lahat ng bagay kasi dumating din ako sa point na puro ako trabaho kaya ibinigay din ang time na after ‘The Promise of Forever,’ maka-bond ang magulang ko lalo’t may dumating akong kapatid.”
FACT SHEET
ni Reggee Bonoan
