Ritz, ‘di big deal ang pagsusuot ng swimsuit
HINDI naman pala big deal kay Ritz Azul na magsuot ng swimsuit sa pelikulang The Hopeful Romantic kasama si Pepe Herrera dahil sa storycon palang ay nalaman niyang kailangan ng sexy scene.
Imbes na pumalag dahil nga first time niyang magsusuot nito at sa big screen pa ay pinaghandaan na lang niya itong mabuti.
“Sa storycon po kasi alam ko na kailangang magpa-sexy kaya medyo nag-prepare po ako at sobrang laki ng tiwala ko kay direk (Topel Lee) at sa DOP (director of photography) kung paano niya aayusin at pagagandahin sa screen kaya lumakas din ‘yung loob ko.
“Bilang babae rin, siguro normal din sa isang babae na hindi maging sobrang confident sa katawan lagi kang may insecurities. Ganoon kasi ako kaya with the help of everyone, lumakas po ‘yung loob ko, napa-swimsuit ako,” katwiran ng dalaga.
May ibang artista kasi na kapag sa pelikula na ay pahirapang mapapayag na magsuot ng swimsuit lalo na ‘yung mga first timer.
In fairness, sexy si Ritz at maganda ang kutis kaya naman hindi napigilan sabihin ni Pepe na talagang gustong-gusto niya at hindi na siya magtataka na baka isang araw ay tuluyan na siyang ma-in love sa ka-loveteam.
Ang nakatatawang kuwento pa ay imbes na si Ritz ang nerbiyosin sa bedscene nila ni Pepe ang ay komedyante pa.
“Siguro ‘yung bed scene na tawang-tawa ako kasi natatawa ako sa reaksiyon ni Pepe hindi bilang si Jess kundi bilang Pepe talaga kasi nanginginig ‘yung kamay niya at buong katawan. Nagba-vibrate siya na para siyang teleponong nagba-vibrate.
“Tapos si direk ang dami pang shots na nakatatawa mismo. Tapos si Pepe, ‘yung mga reaksiyon niya sa bawat eksena,” natatawang kuwento sa presscon ng dalaga.
At dahil unang pelikula ito ni Ritz ay sobrang grateful siya sa Regal Entertainment sa tiwalang ibinigay sa kanya bilang leading lady ni Pepe at ang karakter niya ay si Veronica na mahilig magpabili ng kung ano-ano.
FACT SHEET
ni Reggee Bonoan
