Saturday , May 28 2022
Roxanne Guinoo-Yap, Joross Gamboa
Roxanne Guinoo-Yap, Joross Gamboa

Roxanne sa balik-acting — nag-set ako ng boundaries

SHOWBIZ KONEK
ni Maricris Valdez Nicasio

ANG bongga ng tambalang  Joross Gamboa at Roxanne Guinoo-Yap. Paano naman, nasundan pa ang una nilang seryeng Hoy, Love You! na napapanood sa IWantTFC original series.

Talagang buhay na buhay pa ang kanilang fans kaya siguro nagkaroon pa ng Hoy, Love You Two, na mapapanood na simula Setyembre 11.

Sa muling pagtatambal nina Joross at Roxanne natanong ang dalawa sa isinagawang virtual media conference noong Lunes kung nagkaroon ba ng issue sa muli nilang pagtatambal.

Ani Roxanne, wala.”Both sides naman ay sobrang supportive. Kasi kung hindi naman supportive, hindi rin naman ito matutuloy, hindi mabubuo ulit ’yung loveteam. Happy sila. Proud sila.

“Sa age naman namin ni Joross, matatanda na, alam na namin ‘yung limitations, rules namin na dapat i-apply sa mga sarili namin, kasi siyempre, may pami-pamilya na kami.

“Tingin namin, mature enough na kami para alamin ‘yung mga bagay-bagay. Sa mga eksena, si Joross very gentleman ’yan. ‘Ano ba ‘yung restrictions mo?’

“Kasi siyempre ’yung husband ko, conservative, overprotective. So mula noong nag-asawa ako, nag-set ako ng boundaries na ito lang ‘yung mga puwede kong gawin, para na rin sa mag-aama ko.

“Prior to that, alam na ni Joross ’yon. Still, ibinibigay niya sa akin ’yung respeto na, ‘Rox, OK lang ba gawin natin ’to?’ Tingin ko, walang naging problema roon,” mahabang paliwanag ni Roxanne.

Naniniwala naman si Joross na trust at pagiging open sa isa’t isa ang ilan sa mga sikreto ng maayos at masayang pagsasama.

“If guided ka naman na ni Lord, wala ka nang dapat ikatakot. Kami naman (ni Roxanne), nandoon talaga ’yung trust and respect for each other,” ani Joross.

Nasabi pa ni Roxanne na may mga bagay na posibleng hindi naiintindihan ng kani-kanilang asawa ni Joross na parehong hindi showbiz.

“Ang key lang to that is, i-explain mo lang sa kanila ng maayos and ipaunawa sa kanila. May mga bagay na hindi rin talaga nila maiintindihan, ’yung mga ginagawa ng mga artista. Importante lang ang communication,” giit ni Roxanne.

Samantala, excited ang bagong kasal na sina Jules at Marge (Joross at Roxanne) na bumuo sa wakas ng isang masayang pamilya sa kabila ng mga hindi pagkakaunawaan sa kani-kanilang mga anak at biyenan. Magsusumikap si Jules na maipatayo ang dream house ni Marge sa kagustuhan niyang mabigyan ng maayos at komportableng buhay ang asawa at mga anak. Abala man sa negosyo nila, gagawin naman ni Marge ang lahat upang ipakita ang suporta niya sa mister kahit naisasantabi ang sarili niyang pangangailangan at ang paglalambing niyang magkaroon sila ng baby.

Kasama rin sa serye sina Ritz AzulCarmi Martin, Dominic Ochoa, Karina Bautista at Aljon Mendoza gayundin sina Lou Veloso Brenna Garcia, TJ Valderrama, Pepe Herrera, Yamyam Gucong, Hasna Cabral, at Keanna Reeves. Mula ito sa direksiyon ni  Theodore Boborol at mapapanood na simula Setyembre 11 sa iWantTFC app (iOs at Android) o sa iwanttfc.com. Libre itong napapanood sa Pilipinas, habang available naman ito sa premium subscribers sa labas ng Pilipinas.

About Maricris Valdez Nicasio

Check Also

Lolit Solis Angeline Quinto Nonrev Daquina

Lolit Solis binasag ilusyong pag-aartista ng live-in partner ni Angeline  

MA at PAni Rommel Placente SA pamamagitan ng kanyang Instagram account ay nagbigay ng reaksiyon si Lolit Solis tungkol …

Mikee Quintos Paul Salas

Paul gagamitan ng tradisyonal na panliligaw si Mikee

MA at PAni Rommel Placente INAMIN ni Paul Salas na nagsimula na siyang manligaw kay Mikee Quintos. Inamin …

Joey Marquez Winwyn Marquez

Joey kinompirma Winwyn ikakasal ngayong taon

RATED Rni Rommel Gonzales SINABI ng veteran actor na si Joey Marquez na engaged na ang anak …

Marian Rivera Sanya Lopez

Sanya thankful kay Marian: ginagawa ko ang lahat for her

RATED Rni Rommel Gonzales INILAHAD ni Sanya Lopez na iniaalay niya ang pilot episode ng First Yaya kay Marian …

Marlo Mortel BTS

Marlo Mortel na-inspire sa BTS 

MATABILni John Fontanilla DREAM come true para kay Marlo Mortel ang makita nang malapitan ang world renowned …

Leave a Reply