Friday , March 29 2024
Oriental Mindoro Provincial Jail
Oriental Mindoro Provincial Jail

PDL nag-amok sa provincial jail 2 patay, 5 pa sugatan

BINAWIAN ng buhay ang dalawang PDL (persons deprived of liberty) kabilang ang siyang may hawak ng baril, habang sugatan ang limang iba pa, sa insidente ng pamamaril sa loob ng isang selda ng Oriental Mindoro Provincial Jail nitong Martes ng madaling araw, 7 Setyembre.

Iniulat sa pulisya ni Prison Guard I Ricky Rom, na dakong 2:00 ng madaling araw kahapon habang tulog ang lahat, bigla na lamang umanong binaril nang ilang beses ng suspek na kinilalang si Edison Sampaga, 41 anyos, ang biktimang si Lowelyn Mendoza, 36 anyos, gamit ang 9mm caliber pistol sa Selda 1 ng provincial jail sa Brgy. Camilmil, lungsod ng Calapan, lalawigan ng Oriental Mindoro.

Sa pamamaril ng suspek, tinamaan rin ang limang iba pang PDL na kinilalang sina Jeffrey delos Reyes, 37; Christian Licuan, 45; Hector Abes, 41; Mark dela Cruz, 42; at Alberto Ebueza, 21, bago siya nagbaril sa sarili.

Dinala ang mga biktima at ang suspek sa ospital para lapatan ng lunas ngunit namatay sina Sampaga at Mendoza habang nasa daan patungo sa Kapitolyo.

Narekober mula sa pinangyarihan ng krimen ang 10 basyo ng bala, depormadong bala, limang bullet fragments, cellphone, at itim na holster.

Dinala ang labi ni Mendoza sa Naujan Funeral Homes para sa awtopsiya habang nasa morgue ng Oriental Mindoro Provincial Hospital ang bangkay ng suspek.

Nasa kustodiya ng pulisya ang armas na ginamit ng suspek at dadalhin sa Regional Crime Laboratory Office 4-B para sa ballistic examination.

Tinutukoy pa kung saan at paano nakakuha ng baril si Sampaga.

Sa patuloy na imbestigasyon, tinitingnan ng mga awtoridad ang posibilidad na may depresyon ang suspek kaya nagawa ang krimen. (ALMAR DANGUILAN)

About Almar Danguilan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *