Kylie, tapos nang ‘magpasaring’ kay Binoe

SA wakas, pahinga na si Kylie Padilla sa kanyang mga matalinhagang social media posts na pinagpistahan lately ng mga netizen.

Duda kasi ng madlang pipol, ang recent posts ni Kylie ay patungkol sa kanyang amang si Robin Padilla na hanggang noong i-post niya ang kanyang mga hugot lines ay hindi pa rin tanggap ang dyowa niyang si Aljur Abrenica.

Ang nakaiintriga kasing reference roon ni Kylie ay may kinalaman sa umano’y “pagkatao” ni Robin na naglilinis-linisan gayong makasalanan din naman.

Sino pa ba ang posibleng pinasasaringan ni Kylie kundi ang kaalitang ama?

Now, with the recent face-off nina Robin at Aljur (karay ang apo ng action star), inaasahang maaayos na ang gusot sa magbiyenang hilaw. It is also hope, too, na mananahimik na si Kylie sa social media.

Kasabay nito’y ang balitang pagpapakasal na nina Aljur at Kylie. Medyo naaatrasuhan lang kami sa petsa ng kanilang itinakdang altar date.

Why get married next year pa? Pebrero pa lang ngayon, halos kasisimula pa lang ng taon. All the more na dapat pa ngang agarin nila ang mahalagang okasyong ‘yon dahil ‘yun naman ang gusto talagang mangyari ni Robin.

Eh, kung ang balitang magsisilang pa lang ng anak na si Ellen Adarna, hindi naman katagalang karelasyon niJohn Lloyd Cruz, kalat nang nagpakasal kamakailan in simple rites, sina Aljur at Kylie pa na mayroon nang anak?

Naku, nanghihimasok daw kami sa buhay nina Aljur at Kylie, oh!

HOT, AW!
ni Ronnie Carrasco III