HATAW! D'yaryo ng Bayan hatawtabloid.com
PARANG mahirap paniwalaang naaksidenteng napindot ni Maine Mendoza ang button sa kanyang IG gadget kaya na-unfriend o na-unfollow niya ang kanyang kalabtim na si Alden Richards.
Nabulabog kasi ang AlDub nation nang madiskubreng wala ang pangalan ni Alden sa listahan ng mga follower ni Maine. Agad nag-conclude ang mga ito na baka may “something” sa dalawa.
Maging si Alden ay nag-post ng kanyang pagtataka sa nangyari. Aniya, ”clueless” siya.
Agad namang nagpaliwanag si Maine. Hindi niya sinasadyang napindot ang button kaya na-unfollow niya si Alden. Ibinalik din niya agad ang name ni Alden, kaya no worries na.
Kumbaga, sa plot ng isang pelikula ay mahirap bilhin ang alibi ni Maine. Paano niyang aksidenteng mapipindot ang “unfollow” sa tagal na ng kanyang pagiging alipin ng social media?
May lihim bang sama ng loob si Maine sa kanyang katambal na hindi lang niya masabi-sabi kung kaya’t idinaan na lang niya by unfriending Alden on her IG account?
Hindi rin kaya “lumilikha” lang si Maine ng isyu para paingayin ang malamlam nang tambalan nila ni Alden?
Let’s face it, the past days or so ay hindi ang partnership nila ang in the news. Kinakabog sila ngayon nina Nadine Lustre at James Reid sa isyu pa rin ng pagiging liberated ng young actress.
To Maine, better luck next time.
HOT, AW!
ni Ronnie Carrasco III
