Bea sasaklolohan ang ‘di magandang ratings ng serye nina Alden at Jasmine
Jasmine Curtis-Smith, Bea Alonzo, Alden Richards
FACT SHEET
ni Reggee Bonoan
SITSIT ng aming source, may pagbabagong gagawing script ang seryeng The World Between Us nina Alden Richards at Jasmine Curtis-Smith kaya naka-season break sila.
Ang paliwanag kaya naka-season break ay dahil wala silang bangko at hindi nakapag-taping ng marami dahil nga inabutan ng lockdown dahil isinailalim sa ECQ ang NCR kamakailan. At ngayong MECQ na ay hindi pa rin bumalik sa taping ang serye.
At sabi sa amin, “may dagdag kasi sa script, ipapasok ang karakter ni Bea (Alonzo). Medyo hindi maganda ang resulta, parang nakukulangan sa tambalan nina Alden at Jasmine.”
Ay ganoon? Eh, ‘di mauuna palang magsama sina Alden at Bea sa serye at hindi sa pelikulang ipo-produce ng GMA Films, Viva Films, at APT Entertainment?
Sabagay, pumirma naman na ang aktres sa Kapuso Network na gagawa siya ng teleserye.
Bukas ang HATAW sa panig ng GMA tungkol dito.
