Sweet at intimate photo nina Coco at Yassi, edited

KALIWA’T kanan ang nabasa naming negati bong reaksiyon sa lumabas na litrato sa Instagram na ipinost ni @mtchbrd na nakaupong magkalapit sina Coco Martin at Yassi Pressman sa isang tindahan na naka-angkla ang huli sa hita ng aktor at nakaakbay pa.

Inisip naming eksena ito sa FPJ’s Ang Probinsyano pero wala naman kaming napanood na umere na ito o baka naman eere palang?

At ayon sa mga nabasa namin ay, ”edited picture, assumera siya.”

Pakiwari namin ay ayaw ng mga nagkomento kay Yassi dahil bukod sa sinabing assumera ay may mga binanggit pang, ”wala talagang mapiga simpleng acting waley ang emotion ka-walang ganang manood; Iba sya asang-asa si lola.”

At isa-isa naming tsinek ang mga nagkomento at hayun, mga loyalistang supporters pala ng Coco-Juls (Coco at Julia Montes).

Nagtanong din kami kay Angeline Quinto, isa sa guest star ng FPJ’s Ang Probinsyano kung may napansin siya kina Coco at Yassi, pero ang mabilis na sagot sa amin ng dalagang singer, ”ay wala po akong alam!”

Baka naman ayaw lang magsalita ni Angge, ”serysoso ate Reg, ‘di naman kasi ako mahilig magchika at magmasid ng mga ganyan ha ha ha ha. Hindi ko pa naman nakaka-eksena si Yassi po, eh. Palaging si Coco at (mga) Pulang Araw lang po nakaka-eksena ko,” katwiran sa amin.

Ipinakita namin sa dalaga ang litratong kumalat sa social media at ang sagot ni Angeline, ”ate Reg hindi po ba edited ‘yan?, Parang edited po.”

Sa madaling salita maraming naniniwalang ‘edited’ nga ang litratong sweet sina Coco at Yassi dahil may mga taong nakausap na rin kami na wala silang matandaang ganoon ka-intimate mag-usap ang dalawang bida ngFPJAP lalo’t maraming tao at aangkla pa ang dalaga.

Sino kaya si @mtchbrd na nag-post nito at saan kaya niya nakunan ang litratong ito at kung totoong edited nga.

Naaliw naman din kami dahil ang daming nagpo-protestang Julia  fans ukol sa litrato nina Coco at Yassi. Ina-asinta na kaya sila ng bida ng Asintado?