14-anyos dalagita niluray ng kapitbahay

CAMP OLIVAS, Pampanga – Paika-ika ang isang 14-anyos dalagita nang samahan ng kanyang ina sa San Simon Police Station upang ireklamo ang lasing na kapitbahay na ilang ulit gumahasa sa biktima sa Brgy. San Agustin, bayan ng San Simon kamakalawa ng madaling-araw.

Sa ulat ni Chief Inspector Jose Charlmar F. Gundaya, hepe ng San Simon Police, sa tanggapan ni Chief Supt. Aaron N. Aquino, PRO3 OIC director, agad nasakote ang suspek na si Ramrod Jaspe, 27, sinasabing ilang buwan pa lamang namamasukan bilang poultry caretaker sa na-sabing barangay.

Sa pagsisiyasat ni PO2 Mary Jane T. Genobili, nabatid, dahil sa pagod sa pag-aaral, agad naka-tulog ang dalagita ngunit dakong 1:00 am nagising habang kinakalikot ng suspek ang kanyang kaselanan.

Nagtangkang pumalag ang biktima ngunit tinakpan ng suspek ang kanyang bibig at sinabing papatayin siya kapag sumigaw, hanggang paulit-ulit siyang ginahasa ng lalaki.

Ayon sa ina, hindi nila namalayang nakapasok sa kanilang bahay ang lasing na kapitbahay.

( LEONY AREVALO )