5 patay sa police ops sa Maynila

LIMA ang patay sa police operations sa Maynila kabilang ang tatlong lumaban sa drug buy-bust at dalawang holdaper na sinita ng nagpapatrolyang mga pulis sa magkahiwalay na lugar sa lungsod.

Napatay si Noel Aguili-ngan alyas Nognog habang ang dalawa niyang kasama ay naaresto sa ikinasang drug operation ng Station Anti-Illegal Drugs Division ng Manila Police District Station 11 sa Gate 46, Parola Compound.

Kasunod na napatay ng mga pulis si Amiel Basilio, 40, sa buy-bust operation sa kanyang bahay sa Yakal St., Sta. Mesa, Maynila.

Napatay rin ng mga pulis ang hinihinalang tulak na si Paul Dumagas, 37, sa Sta. Cruz, Maynila.

Samantala, dakong 3:30 am sa C. Ayala St., Brgy. 672, Malate, nagpapatrolya ang Tactical Motorcycle Riders (TMR) ng Arellano Police Community Precinct, nang makita ng mga pulis ang da-lawang hinihinalang mga holdaper sa madilim na bahagi sa tapat ng Unit 1049-8 C. Ayala Townhomes.

Tinungo ng mga pulis ang lugar ngunit sinalubong sila ng putok ng mga suspek.

Bunsod nito, gumanti ng putok ang mga pulis na nagresulta sa pagkamatay ng mga suspek na hindi pa nakikilala.

( LEONARD BASILIO, may kasamang ulat ni Julyn Formaran )