HATAW! D'yaryo ng Bayan hatawtabloid.com
PATAY ang isang 61-anyos jeepney driver makaraan magbaril sa sarili dahil sa prolema sa pera kamakalawa sa Tondo, Maynila.
Binawian ng buhay habang dinadala sa Mary Johnston Hospital ang biktimang si Edmund Cruz, ng 341 Coral Street, Tondo, Maynila.
Ayon sa imbestigasyon ni SPO3 Milbert Balingan ng Manila Police District Homicide Section, dakong 10:30 pm nang maganap ang insidente sa loob ng bahay ng biktima.
Napag-alaman, habang natutulog ang anak ng biktima na si Ranielle, nang marinig niya ang isang putok ng baril.
Nang tingnan ni Ranielle ang pinagmulan ng putok ay nagulantang nang makitang nakahandusay na duguan ang ama.
Isinugod ang biktima sa pagamutan ngunit idineklarang wala nang buhay.
Ayon sa pamilya ng biktima, problema sa pera ang nakikita nilang dahilan nang pagpapakamatay ni Cruz.
( LEONARD BASILIO, may kasamang ulat nina Joana Cruz at Julyn Formaran )
