HATAW! D'yaryo ng Bayan hatawtabloid.com
Humarbes sina national differently-abled athletes Ronald Subido at Arman Dino ng gold medals sa katatapos na 5th PSC-PhilSpada National Paralympic Games 2016 sa Markina City Sports Center.
Nilangoy ni Subido ang swimming men’s S9 50-meter at 100m freestyle gold medals para idagdag sa naunang golds nito sa 400 free at 100 butterfly events ng palaro.
“Hindi ko akalaing magiging atleta pa ako kahit putol ang kaliwang paa ko,” wika ni Subido.
Tinapatan ni Dino ang apat na golds ng kasamahan sa Team Pilipinas Paralympic na si Subido.
Nakuha ni Dino ang 100 at 400-meter dashes nakaraan.
Humataw din si Michael Mora men’s F20 javelin throw at pakyawin ang kanyang three events matapos mamayani sa shot put at discus throw sa apat na araw na laban.
Kumuha rin ng tatlong gold medals si Naomi Joy Parcia.
Si Parcia na isang bingi mula nang isilang ay incoming freshman scholar sa College of St. Benilde, natumbok nito ang women’s HI 100m breaststroke, 100 frees at 50 free. ( ARABELA PRINCESS DAWA )
