HATAW! D'yaryo ng Bayan hatawtabloid.com
MARKADO sina George Oconer ng LBC-MVP Sports Foundation developmental team at Mindanao Leg champion Jan Paul Morales ng Navy-Standard Insurance ng kanilang mga makakatunggali sa pagsikad ng Visayas Leg ng LBC Ronda Pilipinas 2016 simula ngayong araw, Marso 11 hanggang 17.
Lalarga ang mga siklista umpisa ng Bago City at matatapos sa Roxas City.
Magbibigay din ng magandang laban ang mga Mindanao riders sa pangunguna nina Ranlen Maglantay at James Paolo Ferfas kasali rin ang siklista mula Bacolod at Iloilo.
“We’re eager to race,” wika ni Oconer na makakasama sa team LBC-MVPSF sina Ronald Lomotos, Rustom Lim, Mark Julius Bonzo at Jerry Aquino, Jr.
Kakampi naman ni Morales Navy sina skipper Lloyd Lucien Reynante at Ronald Oranza.
“The field will be much stronger here, which will make it more exciting,” wika ni LBC Ronda project director and LBC sports development head Moe Chulani.
Inorganisa ng LBC Express ang nasabing event na may basbas ng PhilCycling at suportado ng MVP Sports Foundation, Petron, Versa Radio-Tech 1 Corp., Maynilad at NLEX.
( ARABELA PRINCESS DAWA )
