HATAW! D'yaryo ng Bayan hatawtabloid.com
MALAYO pa ang hahabulin ng Star Hotshots kahit nagwagi sila sa huli nilang laro, pero dahil sa magandang ipinakikitang laro ni Allein Maliksi ay posibleng makita nila ang tamang timpla sa kanilang koponan.
Kumana ng 6-of- 6 sa three-point territory si Maliksi para alisan ng signal ang Talk ‘N Text Tropang Texters 96-88 sa nakaraang laro sa 2016 Oppo-PBA Commissioner’s Cup sa Smart Araneta Coliseum.
Kaya naman bukod sa naging best player of game pagkatapos ng laro ay tinanghal din siyang Accel-PBA Press Corps Player of the Week.
Tumipa ang dating PBA D-League MVP Maliksi ng 29 points para ilista ang 2-4 karta ng Star.
“The guy is really working hard, being the last one to leave the gym,” patungkol ni Star rookie coach Jason Webb kay Maliksi.
Inungusan ni Maliksi sa nasabing citation sina LA Tenorio, Japeth Aguilar at Greg Slaughter na mga Barangay Ginebra San Miguel, Alaska forward Vic Manuel at San Miguel Beer slot man June Mar Fajardo.
Pinantayan ni Maliksi ang PBA record sa most three-pointers sa game, luminya si Maliksi kina Glenn Capacio, Victor Pablo at Florendo Ritualo, Jr. sa mga retirado at aktibo pa ring sina John Wilson ng NLEX, Dondon Hontiveros ng Alaska at Simon Atkins ng Meralco.
( ARABELA PRINCESS DAWA )
